இதயங்கள் இணையவில்லை

அந்தக் கல்லூரியில்
விரிவுரை அறையில்
பார்வைகள் இணைந்து கொண்டன

அந்தக் கடற்கரையில்
இள வெய்யிலில்
கைகள் இணைந்து கொண்டன

அந்த உணவகத்தில்
மெழுகு திரியொளியில்
கால்கள் இணைந்து கொண்டன

அந்த கேளிக்கை விடுதியில்
மின்னும் வண்ண விளக்கொளியில்
நடனத்தில் உடல்கள் இணைந்து கொண்டன

வாழ்க்கைப் பாதையில்
உறவு சந்தியில்
இதயங்கள் இணையவில்லை

அந்த  மணவறையில்
இன்னொருத்தன் அருகில்
நீ இணைந்து கொண்டாய்.